The Bible—Accurate History, Reliable Prophecy

Xana hi byihi vumbhoni lebyi kombisaka leswaku Bibele yi tamele matimu lama pakanisaka? Hi byihi vuprofeta bya le Bibeleni lebyi hetisekeke lebyi hi tiyisekisaka leswaku vuprofeta bya nkarhi lowu taka na byona byi ta hetiseka? Swivutiso leswi swa tlhuvutsiwa eka vhidiyo leyi nge, The Bible—Accurate History, Reliable Prophecy, eka xiyenge xa vunharhu lexi kumekaka eka DVD leyi nge, The Bible—Accurate History, Reliable Prophecy. Endzhaku ko hlalela vhidiyo leyi, xana u nga swi kota ku hlamula swivutiso leswi landzelaka?

(1) Xana i mani Xihlovo xa rungula leri tshembekaka ra le Bibeleni? (Dan. 2:28) (2) Xana Bibele yi hlamusela Egipta wa khale hi ndlela yihi naswona vuprofeta lebyi kumekaka eka Esaya 19:3, 4 byi hetiseke njhani? (3) Xana vuyimburi byi swi tiyisekisa njhani leswi Bibele yi swi vulaka malunghana ni Vaasiriya, tihosi ta vona ni ku herisiwa ka tiko ra vona? (Nah. 3:1, 7, 13) (4) Xana hi byihi vuprofeta lebyi hetisekeke malunghana na Babilona? (Yer. 20:4; 50:38; 51:30) (5) Xana hi byihi vuprofeta lebyi hetisekeke malunghana na Meda-Peresiya? (Esa. 44:28) (6) Xana Daniyele 7:6 na 8:5, 8 yi hetiseke njhani malunghana na Grikiya? (7) Daniyele 7:7 yi hetiseke njhani loko Rhoma ri hundzuka mfumo wa misava? (8) Hi vahi va Khezari lava Bibele yi vulavulaka ha vona? (9) Ku endleke yini hi Vakreste hi nkarhi wa ku fuma ka Nero? (10) Xana byi hetiseke njhani vuprofeta lebyi kumekaka eka Nhlavutelo 13:11 na 17:10? (11) I yini leswi yimeriwaka hi hosi ya vunhungu? (12) Hi xihi xivono eka vhidiyo leyi lexi kombisaka ku hetiseka ka Eklesiasta 8:9? (13) Hi byihi vuprofeta lebyi u byi rindzeleke hi mahlo-ngati leswaku byi hetiseka? (14) Xana u nga yi tirhisa njhani vhidiyo leyi ku khorwisa van’wana leswaku Bibele yi huma eka Xikwembu?