Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa January

“Vanhu van’wana va pfumela leswaku Bibele i buku leyi tshembekaka ya vuprofeta. Van’wana va vona onge yi tamele vuprofeta lebyi nga riki erivaleni lebyi nga hlamuseriwaka hi tindlela to tala to hambana-hambana. Wena u ri yini hi mhaka leyi?” Yimela nhlamulo. Nyika n’wini wa muti kopi ya Xihondzo xo Rindza xa January 1 kutani u hlaya u tlhela u bula na yena hi rungula leri nga ehansi ka xihlokwana xo sungula lexi nga eka tluka 16 ni rin’wana ra Matsalwa lama tshahiweke. N’wi nyike timagazini kutani u endla malunghiselelo yo tlhela u vuya leswaku mi ta kambisisa nhlamulo ya xivutiso lexi landzelaka.

Xihondzo xo Rindza January 1

“Hi nga dyondza swo tala eka vavanuna ni vavasati va khale. Xana u pfumelelana na yona mhaka leyi? [Yimela nhlamulo.] Ndzimana leyi yi kombetela eka wanuna un’wana, loyi ku nga yena ntsena a vitaniwaka ‘nakulobye wa Xikwembu’ eBibeleni. [Hlaya Yakobo 2:23.] Magazini lowu wu hlamusela leswaku ha yini Xikwembu xi n’wi teke tanihi munghana wa xona ni ku hlamusela leswi hi nga swi dyondzaka eka xikombiso xa Abrahama.”

Xalamuka! January

“Swifumbarheriso ni swiendlo swin’wana swa ku nga tshembeki swi va leswi tolovelekeke etimhakeni ta mabindzu. Van’wana va ehleketa leswaku mali yo karhi ya ku nga tshembeki etimhakeni ta mabindzu yi fanerile leswaku va ta humelela. Xana u ehleketa yini? [Yimela nhlamulo.] Xiya xivuriso lexi, lexi tlhontlhaka mianakanyo. [Hlaya Swivuriso 20:17.] Magazini lowu wu hlamusela leswaku ha yini swi ri leswi twisisekaka ku tshembeka.”