Xana Wa Yi Kamba Bodo Ya Switiviso Nkarhi Na Nkarhi?

Nkarhi na nkarhi vakulu, malandza ya vutirheli ni van’wana lava nga ni vutihlamuleri evandlheni va kamba bodo ya switiviso ku vona loko va ri ni swiavelo. Hambiswiritano, hinkwavo evandlheni va nga kuma vuxokoxoko bya nkoka eka yona. Xana wa swi tiva leswaku u ta yi basisa rini Holo ya Mfumo? Xana mulanguteri wa xifundzha kumbe rhavi va rhumelele vandlha ra n’wina rungula ra nkoka? Xana wa yi tiva nhloko-mhaka ya nkulumo ya vhiki leri leswaku u ta rhamba xichudeni xa wena xa Bibele? Xana ku ni ku cinca ko karhi loku endliweke eka xiyimiso xa minhlangano kumbe xa ntlawa wa wena wa nsimu? Vuxokoxoko lebyi boxiweke a bya ha tivisiwi hi nkarhi wa minhlangano naswona a swi nge koteki leswaku vakulu va byela muhuweleri ha un’we. Hikwalaho, hi fanele hi kamba bodo ya switiviso nkarhi na nkarhi. Loko hi tshama hi tiva leswi endlekaka, swilo hinkwaswo swi ta ‘endliwa hi ku tenga ni hi ku hleleka.’—1 Kor. 14:40.