Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa May

“Hi ntolovelo hinkwerhu ka hina hi endla swihoxo. Xana u tshame u tivutisa leswaku Xikwembu xi nga n’wi rivalela munhu loyi a endleke xidyoho lexikulu?” [Yimela nhlamulo.] N’wi kombe xihloko lexi nga eka tluka 15 ra Xihondzo xo Rindza xa May 1 kutani u hlaya ndzimana leyi nga ehansi ka xivutiso xo sungula swin’we ni tsalwa rin’we leri kombisiweke. N’wi nyike timagazini kutani u hlela ku tlhela u vuya mi ta bula hi xivutiso lexi landzelaka.

Xihondzo xo Rindza May 1

“Hi tsakela ku twa vonelo ra wena malunghana ni leswi tsalwa leri ri swi vulaka. [Hlaya 1 Yohane 4:8] Vo tala va pfumelelana na wona marito lawa kambe van’wana va anakanya leswaku Xikwembu xi ni tihanyi hi leswi xi vangaka kumbe ku pfumelela leswaku ku va ni timhangu ta ntumbuluko. Xana wena u ri yini? [Yimela nhlamulo.] Magazini lowu wu hlamusela swivangelo leswi twisisekaka leswi ha swona hi nga fanelangiki hi sola Xikwembu hi ku vula leswaku xi ni tihanyi.”

Xalamuka! May

“Hi endzela vaakelani va hina leswaku hi ta vulavurisana na vona hi xiphiqo lexikulu ku nga vugevenga. Van’wana va anakanya leswaku ku lawula vugevenga swi lava ku engeteriwa maphorisa yo tala. Xana wena u ri yini? [Yimela nhlamulo.] Xana a wu swi tiva leswaku Bibele yi tshembisa leswaku vugevenga byi ta herisiwa? [Hlaya Pisalema 37:10, 11.] Magazini lowu wu vulavula hi xitshembiso lexi ni ku tlhela wu nyikela magoza man’wana lawa hi nga ma tekaka leswaku hi tisirhelela eka vugevenga.”