Kandziyisa Nkoka Wa Ku Sungula Tidyondzo Ta Bibele Hi Mugqivela Wo Sungula

Ku sukela hi May 2011, vahuweleri va khutaziwe ku ringeta ku sungula tidyondzo ta Bibele hi Mugqivela wo sungula wa n’hweti yin’wana ni yin’wana. Leswaku hi kota ku endla tano, minkarhi hinkwayo ku humesiwa xihloko lexi nge, “Tinhlamulo Ta Swivutiso Swa Bibele” eka Xihondzo xo Rindza xa vanhu hinkwavo. Xisweswo, eka nhlangano wa nsimu lowu khomiwaka hi Mugqivela wo sungula ku fanele ku kandziyisiwa ndlela leyi xihloko lexi xi nga tirhisiwaka ha yona loko ku sunguriwa tidyondzo ta Bibele naswona ku fanele ku endliwa nkombiso wa ndlela leyi sweswo swi nga endliwaka ha yona.

Vakulu va nga hlawula leswaku ntlawa ha wun’we wu hlangana hi Mugqivela wo sungula wu ri woxe kumbe va nga ha boha leswaku mintlawa hinkwayo yi hlangana kumbexana yi hlangana eHolweni ya Mfumo. Hambiswiritano, loko Holo ya Mfumo yi tirhisiwa hi mavandlha yo tala, a ku na vandlha leri faneleke ri hundzisela siku leri ro hlawuleka ra ku sungula tidyondzo ta Bibele leswaku ri ya endliwa hi siku rin’wana ku endlela leswaku mintlawa yi hlangana leswaku yi ta huma nsimu swin’we.