Xana U Ta Endla Yini Hi Nkarhi Wa Tiholideyi?

Hikwalaho ka leswi vanhu vo tala va nga ta va va ri emakaya hi nkarhi wa tiholideyi ta vukhongeri kumbe ta tiko, hakanyingi leyi i minkarhi ya kahle eka hina leswaku hi hoxa xandla evutirhelini. Mavandlha ma khutaziwa leswaku ma endla malunghiselelo yo hlawuleka hi nkarhi wa tiholideyi leswaku ma ta chumayela. Loko vo tala ensin’wini va ta va va ha etlele, swi ta va swinene ku cinca nkarhi lowu hi hlanganaka ha wona leswaku hi ya ensin’wini. Ku nga ha endliwa xitiviso eka Nhlangano wa Ntirho ku tivisiwa vandlha malunghana ni malunghiselelo yo hlawuleka yo chumayela hi nkarhi wa tiholideyi ni ku khutaza hinkwavo leswaku va hoxa xandla. I ntiyiso leswaku tiholideyi ti hi nyika nkarhi wo wisa ni wo khathalela swilaveko swa hina vini. Kambe ha yini hi nga wu vekeli etlhelo nkarhi wo ya ensin’wini? Kutani hi ta tiphina hi ku phyuphya loku vaka kona endzhaku ka loko hi hoxe xandla entirhweni wo kwetsima.—Mat. 11:29, 30.