Swingheniso Leswi Hi Nga Swi Tirhisaka

Eka Tsima Ro Rhambela Vanhu eXitsundzuxweni

“Hi fambisa xirhambo xa xiendlakalo xa nkoka swinene. Hi April 14, vanhu va timiliyoni emisaveni hinkwayo va ta hlengeletana leswaku va tsundzuka rifu ra Yesu Kreste, va tlhela va yingisela nkulumo ya mahala leyi sekeriweke eBibeleni leyi vulavulaka hi ndlela leyi rifu ra yena ri hi vuyerisaka ha yona. Xirhambo lexi xi kombisa ndhawu ni nkarhi laha nhlangano lowu wu nga ta khomeriwa kona laha ndhawini ya ka hina.”

Xihondzo xo Rindza April 1

“Hi ku endzele swa xinkarhana leswaku hi ta burisana na wena hi mhaka leyi vanhu vo tala va yi endlaka. Vanhu vo tala va khongela, ku nga khathariseki leswaku va nghena kereke yihi. Xana u anakanya leswaku Xikwembu xa swi hlamula swikhongelo, kumbe u anakanya leswaku swi hi endla hi titwa hi antswa eka swiphiqo swa hina? [Yimela nhlamulo.] Xiya leswi Bibele yi swi vulaka malunghana ni xikhongelo. [Hlaya 1 Yohane 5:14.] Magazini lowu wu hlamusela ndlela leyi xikhongelo xi hi vuyerisaka ha yona.”

Xalamuka! April

“Hi endzela vanhu leswaku hi va pfuna hi xiphiqo lexi se xi tolovelekeke. Vanhu van’wana va tikeriwa swinene hi swiphiqo swa vona lerova va anakanya ku tidlaya. Loko munhu a tshikileleke hi ndlela yoleyo, xana u anakanya leswaku u navela ku fa hakunene, kumbe u anakanya leswaku u lava ntsena ku heriseriwa swiphiqo swa yena? [Yimela nhlamulo.] Hi lexi xitshembiso xa le Bibeleni lexi pfuneke vo tala ku tshama va ri ni langutelo lerinene. [Hlaya Nhlavutelo 21:3, 4.] Magazini lowu wu hlamusela swivangelo swinharhu leswi twalaka swa leswaku munhu a ya emahlweni a hanya hambiloko a ri ni swiphiqo sweswi.”