Swingheniso Leswi Hi Nga Swi Tirhisaka

Eka Tsima Ro Rhambela Vanhu eXitsundzuxweni

“Hi fambisa xirhambo lexi xa xiendlakalo xa nkoka swinene. Hi April 3, vanhu va timiliyoni emisaveni hinkwayo va ta hlengeletana leswaku va tsundzuka rifu ra Yesu Kreste, va tlhela va yingisela nkulumo ya mahala leyi vulavulaka hi ndlela leyi rifu ra yena ri hi vuyerisaka ha yona. Xirhambo lexi xi kombisa nkarhi ni ndhawu laha nhlangano lowu wu nga ta khomeriwa kona laha ndhawini ya ka hina.”

Xihondzo xo Rindza March 1

“April 3 i siku ra ku tsundzuka rifu ra Yesu Kreste. Vanhu van’wana emugangeni wa ka hina va ta hlangana hi siku leri leswaku va tsundzuka xiendlakalo xexo, kambe ku ni van’wana lava anakanyaka leswaku rifu ra Yesu a hi ra nkoka. U swi vonisa ku yini? Xana u anakanya leswaku rifu ra Yesu ni ku pfuxiwa kakwe swa hi vuyerisa? [Yimela nhlamulo.] Xiya leswi Rito ra Xikwembu ri swi vulaka hi mhaka leyi. [Hlaya 1 Vakorinto 15:22, 26.] Magazini lowu wu hlamusela mikateko ya le nkarhini lowu taka leyi nga ta tisiwa hikwalaho ka gandzelo ra nkutsulo ra Yesu, wun’wana wa kona ku nga leswaku siku rin’wana vanhu a va nge he fi laha misaveni.”

Xalamuka! March

“Hi endzela vaakelani va hina swa xinkarhana leswaku hi va komba nkandziyiso wa Xalamuka! lowa ha ku humaka. [N’wi kombe xifunengeto xa yona.] Un’wana ni un’wana u ni vonelo rakwe hi xivutiso lexi xo sungula: ‘Xana Xikwembu xi kona?’ Hi ku ya hi vonelo ra wena, i vamani lava nga ni langutelo lerinene hi vumundzuku—hi lava pfumelaka eka Xikwembu kumbe hi lava nga pfumeliki eka xona? [Yimela nhlamulo.] Twana xitshembiso xa Xikwembu lexi nyikaka vanhu vo tala ntshembo. [Hlaya Pisalema 37:10, 11.] Magazini lowu wu hlamusela swivangelo swa mune swo kambisisa loko Xikwembu xi ri kona.”