Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa March

“Hi ku endzele swa xinkarhana leswaku hi ta bula na wena malunghana ni xiendlakalo lexi nga ta va kona hi April 14. Hi siku leri ku ta va ku tsundzukiwa rifu ra Yesu. Van’wana va ta va va tsundzuka xiendlakalo lexi hikwalaho ka leswi va anakanyaka leswaku rifu rakwe a ri ri ra nkoka. Kasi van’wana a va tiyiseki malunghana ni leswi rifu ra Yesu ri vulaka swona. Xana u ehleketa leswaku rifu ra Yesu ra hi vuyerisa mina na wena?” Yimela nhlamulo. N’wi kombe xihloko lexi nga endzhaku ka Xihondzo xo Rindza xa March 1 kutani mi hlaya swin’we rungula leri nga ehansi ka xivutiso xo sungula ni tsalwa rin’we leri kombisiweke. N’wi siyele timagazini kutani u hlela ku tlhela u vuya mi ta bula hi xivutiso lexi landzelaka.

Xihondzo xo Rindza March 1

“Vanhu vo tala va tivutisa leswaku ha yini Xikwembu xi nga teki goza ro herisa vuhomboloki ni ku xaniseka loku nga kona emisaveni. Xana u ehleketa leswaku swi endliwa hi leswi Xikwembu xi nga khathaliki kumbe hi leswi xi vonaka onge i swinene leswaku vanhu va xaniseka? [Yimela nhlamulo. Kutani hlaya Yohane 3:16.] Hambileswi vo tala va tshahaka ndzimana leyi ku kombisa leswaku Xikwembu xa khathala, a va tiyiseki leswaku rifu ra n’wana wa Xikwembu ri va vuyerisa njhani. Magazini lowu wu hlamusela ndlela leyi rifu ra Yesu ri endlaka swi koteka ha yona ku herisa vuhomboloki ni ku xaniseka loku nga kona laha misaveni.”

Xalamuka! March

“Hi ku endzele swa xinkarhana leswaku hi ta bula na wena malunghana ni mavunwa lawa vo tala va ma vulaka hi ndzimana leyi ya le Bibeleni. [Hlaya Genesa 1:1.] Van’wana va tshemba leswaku vuako byi lo tumbuluxiwa kasi van’wana a va swi tshembi. Xana wena u swi vonisa ku yini? [Yimela nhlamulo.] Vo tala swa va tikela ku tshemba leswaku swilo swi lo tumbuluxiwa hikwalaho ka leswi vafundhisi va dyondzisaka swilo swin’wana leswi Bibele yi nga swi dyondzisiki. Magazini lowu wu nyikela nhlamuselo leyi twalaka ni leyi tshembekaka ya le Bibeleni malunghana ni ndlela leyi vuako byi veke kona ha yona.”