Swingheniso Leswi Hi Nga Swi Tirhisaka

Ku sungula tidyondzo ta Bibele hi Mugqivela wo sungula hi September

“Vanhu vo tala va pfumela eka tintsumi. Xana wena wa pfumela eka tintsumi? [Yimela nhlamulo.] Leswi tintsumi ti nga swivumbiwa swa moya ti ni matimba swinene, kambe u anakanya leswaku ti nga hi pfuna? Bibele yi hi byela ndlela leyi ti va pfunaka ha yona vanhu namuntlha.” N’wi kombe tluka ro hetelela ra Xihondzo xo Rindza xa September 1 kutani mi bula hi rungula leri nga ehansi ka xivutiso xo sungula mi tlhela mi hlaya tsalwa rin’we eka lama kombisiweke. N’wi fambisele timagazini kutani u hlela ku vuya mi ta bula hi xivutiso lexi landzelaka.

Xihondzo xo Rindza September 1

“Xana u vona onge vanhu va onhe misava hi ndlela leyi yi nga taka yi nga ha lulamiseki? [Yimela nhlamulo.] Hambileswi vanhu va nga taka va nga swi koti ku lunghisa leswi va swi onheke, Bibele yi hi byela leswaku Xikwembu xi nga yi lunghisa naswona xi ta yi lunghisa. Sweswo swi tiyisekisiwe eka Pisalema 65:9. [Yi hlaye.] Nkandziyiso lowu wa Xihondzo xo Rindza wu hlamusela ndlela leyi Xikwembu xi nga ta yi khathalela ha yona misava ni ndlela leyi hi nga tiphinaka ha yona hi mikateko leyi ya le nkarhini lowu taka. Ndzi kombela ku ku siyela wona leswaku u ta wu hlaya.”

Xalamuka! September

“Vanhu vo tala va vona onge vathori va vona va va nyika ntirho wo tala ku tlula mpimo naswona va vona onge a swi koteki ku balekela ntshikilelo. Vatshila va vula leswaku loko munhu a ri ni ntirho wo tala ku tlula mpimo a nga ha va ni ntshikilelo lowukulu, lowu nga ha n’wi vavisaka emirini ni le mintlhavekweni. U anakanya leswaku i yini lexi nga pfunaka munhu ku tshama a ri karhi a ringanisela swilo evuton’wini? [Yimela nhlamulo.] Ku ni ndzimana leyi ya le Bibeleni leyi endlaka munhu a anakanyisisa. [Hlaya Eklesiasta 4:6.] Magazini lowu wu hlamusela tindlela ta mune leti nga hi pfunaka ku rhangisa swilo swa nkoka evuton’wini hi tlhela hi langutana ni ntshikilelo lowu vangiwaka hi ntirho.”