Swingheniso Leswi Hi Nga Swi Tirhisaka

Ku sungula tidyondzo ta Bibele hi Mugqivela wo sungula hi November

“Ndzi kombela u xiya xivutiso lexi lexi tsakisaka. [Hlaya xivutiso xo sungula eka tluka ro hetelela ra Xihondzo xo Rindza xa November 1.] U anakanya yini? [Hlaya tindzimana timbirhi leti nga ehansi ka xivutiso xolexo ni tsalwa rin’we eka lama kombisiweke.] Xana ndzi nga tlhela ndzi vuya leswaku hi ta bula hi xivangelo lexi endleke Yesu a pfuxa vanhu volavo eku feni ni leswi sweswo swi vulaka swona eka hina?”

Xihondzo xo Rindza November 1

“Xana u tshame u tivutisa leswaku ha yini ku endleka swilo swo tala swo biha emisaveni? [Yimela nhlamulo.] Bibele yi hlamusela xivangelo xa kona eka Nhlavutelo 12:9. [Yi hlaye.] Hambiswiritano, ndzimana 12 yi hi nyika xivangelo xo va ni ntshembo. [Hlaya Nhlavutelo 12:12.] Ku nga ri khale nkucetelo wo biha wa Sathana wu ta va wu nga ha ri kona. Xihloko lexi lexi nge, ‘Xana Hi Fanele Hi Chava Sathana?’ xi hlamusela ndlela leyi hi nga tisirhelelaka ha yona eka nkucetelo wa yena sweswi ni leswi swi nga ta endleka eka Sathana ku nga ri khale. Hi leyi magazini ya wena.”

Xalamuka! November

“Munhu un’wana ni un’wana wa swi lava ku tsaka, kambe vanhu vo tala namuntlha a va tsakanga. U ehleketa leswaku i yini lexi endlaka leswaku munhu a va ni ntsako wa xiviri? [Yimela nhlamulo.] Ndzi kume leswaku Bibele ya pfuna eku endleni ka leswaku hi va ni vutomi lebyi tsakisaka. Hi xikombiso, xiya nawu lowu lowu kongomisaka wa le Bibeleni. [Hlaya Vaheveru 13:5.] Magazini lowu wu hlamusela tinhla ta mune leti sekeriweke eBibeleni leti endlaka leswaku vanhu va va ni ntsako wa xiviri.”