Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa November

“Xana u ehleketa leswaku vanhu lava ringetaka ku yingisa Xikwembu va ni ntsako? [Yimela nhlamulo.] Xihloko lexi xi ni tinhla tin’wana to tsakisa.” Nyika n’wini wa muti kopi ya Xihondzo xo Rindza xa November 1 kutani u hlaya na yena rungula leri nga ehansi ka xin’wana xa swihlokwana leswi nga eka matluka 16-17. Hlaya rin’wana ra Matsalwa lama tshahiweke. N’wi nyike timagazini kutani u endla malunghiselelo yo tlhela u vuya leswaku mi ta kambisisa nhlamulo ya xivutiso lexi landzelaka.

Xihondzo xo Rindza November 1

“Van’wana va ehleketa leswaku langutelo ra Bibele hi timhaka ta masangu ri hundzeriwe hi nkarhi naswona ri ni swipimelo leswi nga lavekiki. Van’wana va pfumelelana ni Bibele. U anakanya yini? [Yimela nhlamulo.] Xiya leswi tsalwa leri ri swi vulaka malunghana ni laha milawu leyi nga eBibeleni yi humaka kona. [Hlaya 2 Timotiya 3:16.] Magazini lowu wu kombisa ndlela leyi Bibele yi swi hlamulaka ha yona swivutiso swa khume leswi tolovelekeke leswi vutisiweke malunghana ni timhaka ta masangu. Wu tlhela wu hlamusela ndlela leyi milawu ya Bibele yi hi vuyerisaka ha yona.”

Xalamuka! November

“Loko hi xiyisisa vuako, xana u ehleketa leswaku ku ni Muvumbi kumbe swilo hinkwaswo swi lo tiendlekela? [Yimela nhlamulo.] Xiya leswi mutsari un’wana wa Bibele a gimeteke ha swona loko a languta vuako. [Hlaya Varhoma 1:20.] Magazini lowu wu hlamusela leswi van’wasayense va swi tshubuleke malunghana ni xiaki xa munhu lexi hi pfunaka ku twisisa mhaka leyi.”