LESWI HI SWI DYONDZAKA EBIBELENI | TIPISALEMA 45–51

Yehovha A Nge Yi Languteli eHansi Mbilu Leyi Pfotlokeke

Davhida u kingindziwe hi ripfalo endzhaku ka loko a twe xifaniso xa wanuna loyi a fuweke loyi a tekeke nyimpfu ya wanuna loyi a a ri xisiwana

Pisalema 51 yi tsariwe hi Davhida endzhaku ka loko Natani a n’wi lemukise hi xidyoho xakwe lexikulu lexi a xi endleke na Batixeba. Davhida u kingindziwe hi ripfalo kutani a phofula xidyoho xakwe.—2Sa 12:1-14.

Davhida a a dyohile kambe a swi ta koteka leswaku a hlakarhela hi tlhelo ra moya

51:3, 4, 8-12, 17

Loko a nga si hundzuka kutani a phofula xidyoho xakwe, ripfalo rakwe a ri n’wi vangela gome
U ve ni gome loko a nga amukeriwanga hi Xikwembu lerova a a titwa ku fana ni munhu loyi marhambu yakwe ma pfotlokeke
A a lava ku rivaleriwa, ku hlakarhela emoyeni ni ku tlhela a kuma ntsako lowu a a ri na wona eku sunguleni
Hi ku titsongahata u kombele leswaku Yehovha a n’wi pfuna a hlakulela ku va la yingisaka
A a tiyiseka leswaku Yehovha u ta n’wi rivalela