Kreste U Xaniseke Hikwalaho Ka Hina

“A a languteriwa ehansi, a papalatiwa hi vanhu . . . Hi n’wi langute kukota la nga ni khombo, la biweke hi Xikwembu a xanisiwa”

53:3-5

• Yesu u languteriwe ehansi a tlhela a hehliwa hi mavunwa. Van’wana a va tshemba leswaku Xikwembu a xi n’wi xupula hi vuvabyi lebyi nyenyetsaka

“Yehovha u tsakele ku n’wi pfotlosa, . . . naswona leswi tsakeriwaka hi Yehovha swi ta humelela evokweni rakwe”

53:10

• A swi kanakanisi leswaku Yehovha u twe ku vava loko a vona N’wana wakwe a fa. Kambe swi n’wi tsakisile ku vona leswaku Yesu u ni ripfumelo leri tiyeke. Rifu ra Yesu ri nyikele xintshunxo eka mhaka ya Sathana malunghana ni ku tshembeka ka malandza ya Xikwembu kutani ri endla leswaku vanhu lava hundzukaka va kuma mikateko. Xisweswo ri endle leswaku “ku rhandza ka Yehovha” ku hetiseka