MAHANYELO YA VAKRESTE

Pfuna Ndyangu Wa Wena Leswaku Wu Tsundzuka Yehovha

Yeremiya a a nyikiwe ntirho wo lemukisa Vayuda hi ndzoviso lowu taka hikuva a va rivale Xikwembu xa vona Yehovha. (Yr 13:25) Ha yini tiko a ri ri eka xiyimo lexi, lexi khomisaka gome? Mindyangu ya Vaisrayele a yi nga ha ri na vuxaka ni Xikwembu. Swi le rivaleni leswaku tinhloko ta mindyangu a ti nga wu landzeli nkongomiso wa Yehovha lowu tsariweke eka Deteronoma 6:5-7.

Ndyangu lowu nga ni mutswari un’we wu ri karhi wu tiphina hi Vugandzeri bya Ndyangu; ndyangu wu ri karhi wu tirhisa mepe lowu kombaka matiko ya le Bibele eka Vugandzeri bya wona bya Ndyangu

Mindyangu leyi nga ni vuxaka ni Xikwembu yi hoxa xandla leswaku mavandlha ya hina namuntlha ma tiya. Ti nga pfuna mindyangu ya tona leswaku yi tsundzuka Yehovha hi ku va ni Dyondzo ya Ndyangu nkarhi ni nkarhi. (Ps 22:27) Endzhaku ko hlalela vhidiyo leyi nge “Marito Lawa . . . Ma fanele Ma Va eMbilwini Ya Wena”—Ku Burisana Ni Mindyangu, hlamulani swivutiso leswi:

Mindyangu yin’wana yi langutane njhani ni swiphiqo leswi tolovelekeke swo va ni dyondzo ya ndyangu?
Hi byihi vuyelo lebyinene lebyi vaka kona hikwalaho ko khoma Dyondzo ya Ndyangu nkarhi na nkarhi?
Eka dyondzo ya ndyangu, hi swihi swiphiqo leswi ndzi vaka na swona naswona ndzi tiyimisele ku swi lulamisa njhani?