Rirhandzu Ra Ntiyiso I Yini?

Yehovha u simeke vukati hi xikongomelo xa leswaku wanuna ni wansati va tshama swin’we hilaha ku nga heriki. (Gn 2:22-24) Vukati byi nga ha dlayiwa ntsena loko munghana lowun’wana wa vukati a endle vuoswi. (Mlk 2:16; Mt 19:9) Leswi Yehovha a lavaka leswaku evukatini ku va ni ntsako, u nyike Vakreste misinya ya milawu leyi nga va pfunaka ku hlawula munghana wa vukati hi vutlhari ni leswaku va va ni ndyangu lowu tsakeke.—Ekl 5:4-6.

HLALELANI VHIDIYO LEYI NGE RIRHANDZU RA NTIYISO I YINI?, KUTANI MI HLAMULA SWIVUTISO LESWI LANDZELAKA:

• Hikokwalaho ka yini hi nga vulaka leswaku ndlela leyi vatswari va Lizzy va n’wi pfuneke ha yona a yi ri ya vutlhari naswona a yi kombisa leswaku va n’wi rhandza?

• Hikokwalaho ka yini u nga fanelanga u ehleketa leswaku u nga cinca vutomi bya munhu loyi u lavaka ku tekana na yena?

• Hi xihi xitsundzuxo xa vutlhari lexi Paul na Priscilla va xi nyikeke Lizzy?

• I yini lexi endleke leswaku Zach na Megan va va ni swiphiqo evukatini bya vona?

• Hi tihi tipakani to tirhela Yehovha leti John na Lizzy a va ri na tona?

• Hikokwalaho ka yini u fanele u tiva “munhu la nge xihundleni wa mbilu” loko u nga si tekana ni munhu loyi u rhandzanaka na yena? (1Pe 3:4)

• Rirhandzu ra ntiyiso i yini? (1Ko 13:4-8)