Vamakwerhu va ri karhi va chumayela ekusuhi ni le Monrovia, eLiberia

Swiringanyeto Swo Sungula Mabulo

●○○ RIENDZO RO SUNGULA

Xivutiso: Xana Bibele ya ha pfuna ninamuntlha?

Tsalwa: 2Tm 3:16

Xivutiso Lexi Mi Nga Ta Bula Ha Xona: Xana Bibele yi vulavula hi yini?

○●○ KU VUYELA RO SUNGULA

Xivutiso: Xana Bibele yi vulavula hi yini?

Tsalwa: Mt 6:10

Xivutiso Lexi Mi Nga Ta Bula Ha Xona: I yini leswi Mfumo wa Xikwembu wu nga ta swi endla?

○○● KU VUYELA RA VUMBIRHI

Xivutiso: I yini leswi Mfumo wa Xikwembu wu nga ta swi endla?

Tsalwa: Dn 2:44

Xivutiso Lexi Mi Nga Ta Bula Ha Xona: Xana leswi swi ta va khumba njhani vanhu emisaveni?

Ku sukela n’hweti leyi, eka mihlangano ya le xikarhi ka vhiki swingheniso swinharhu leswi hi nga swi tirhisaka ensin’wini a swi nge he vi kona eka Xiyimiso Xa Minhlangano. Swi ta siviwa hi swiringanyeto swo sungula mabulo laha ku nga ta va ni xivutiso, tsalwa ni xivutiso lexi mi nga ta bula ha xona loko u vuyela. Ku ta tlangiwa vhidiyo yin’we ya swiringanyeto swo sungula mabulo hi vhiki. Muhuweleri u ta tihlawulela nkandziyiso lowu a nga ta wu tirhisa ni leswaku u ta wu tirhisa eka riendzo rihi. Ku engetela kwalaho, eka Xiyimiso Xa Mihlangano ku ta va ni swivutiso swa maendzo mambirhi yo vuyela. Endlelo leri, ri ta hi pfuna leswaku hi anakanya ngopfu hi pakani ya hina yo dyondzisa “hinkwavo lava va [nga] ni mboyamelo lowunene eka vutomi lebyi nga heriki.”—Min 13:48.

Tinkulumo Ta Swichudeni: Swichudeni swi fanele swi tirhisa swiringanyeto swo sungula mabulo handle ka loko swi nyikiwe nkongomiso wun’wana.