Ndlela Yo TIrhisa Swiringanyeto Swo Sungula Mabulo

Vamakwerhu va tirha hi matimba leswaku va lunghiselela swiringanyeto swo sungula mabula naswona vahuweleri va ri swa va pfuna swinene ensin’wini. Hambiswiritano, leswi swiyimo swi hambanaka emisaveni hinkwayo, vahuweleri va nga ha tirhisa endlelo rin’wana ensin’wini ya ka vona kumbe va tirhisa rungula rin’wana leri nga ta koka rinoko ra vanhu va le mugangeni wa ka vona. Hambiswiritano, vahuweleri va fanele va landzela swiletelo swa tsima ro hlawuleka. Xikongomelo xa hina i ku hetisisa xileriso xa Yesu, xa ku chumayela mahungu lamanene ya Mfumo.​—Mt 24:14.

Loko va endla swiavelo swa xichudeni, vahuweleri va fanele va tirhisa rungula leri nga eka xiringanyeto xo sungula mabula eka Xibukwana Xa Mahanyeno Ni Ntirho Wo Chumayela. Hambiswiritano, loko ku nga ri ni nkongomiso, va nga ha hlawula ku tirhisa xivutiso, tsalwa kumbe xingheniso lexi hambaneke lexi nga ta va tirhela ensin’wini. Lowu i nkongomiso lowu antswisiweke eka lowu kumekaka eka tluka 8 ra xibukwana xa nhlengeletano xa June 2020.