Ndlela Yo Tirhisa Swiringanyeto Swo Sungula Mabulo

Ku sukela hi January 2018, eka xifunengeto xa Xiyimiso Xa Mihlangano xa Mahanyelo Ni Ntirho Wa Hina Wo Chumayela, ku sungule ku va ni swiringanyeto swo sungula mabulo. Hi fanele hi swi tirhisa njhani?

Loko U Nyikiwe Xiavelo: U fanele u tirhisa xivutiso, tsalwa ni xivutiso lexi mi nga ta bula ha xona leswi kumekaka eka swiringanyeto swo sungula mabulo. Hambiswiritano, a swi vuli swona leswaku u fanele u vula swilo hinkwaswo leswi u swi tweke eka vhidiyo ya swiringanyeto swo sungula mabulo. U nga ha tirhisa marito ya wena, manghenelo, mavekelo ya timhaka ni swin’wana. U nga ha tlhela u nyika n’wini wa muti nkandziyiso lowu kumekaka eka Switirhisiwa Swo Pfuneta Ku Dyondzisa hambiloko u nga byeriwanga ku endla tano.

Loko U Ri eNsin’wini: Swiringanyeto swo sungula mabulo swi endleriwe ku hi pfuna. Loko munhu a tsakela ku dyondza leswi engetelekeke, u nga ya emahlweni u bula na yena kumbexana hi ku tirhisa rungula leri nga eka xiringanyeto xa ku vuyela ro sungula. U nga ha cinca xivutiso lexi nga eka swiringanyeto swo sungula mabulo kumbe u tirhisa xin’wana lexi hambaneke. Xana ku ni rungula leri nga tirhisiwa n’hweti leyi nga hundza leri vanhu va ri tsakeleke ensin’wini ya ka n’wina? Xana ku ni mhaka leyi ya ha ku endlekaka leyi vanhu va le mugangeni wa ka n’wina va vulavulaka ha yona ngopfu? Ku nga khathariseki ndlela leyi u swi tirhisaka ha yona swiringanyeto swo sungula mabulo, xikongomelo xa wena ku fanele ku va ku ‘endla swilo hinkwaswo hikwalaho ka mahungu lamanene, leswaku u ma avela van’wana.’—1Ko 9:22, 23.