LESWI HI SWI DYONDZAKA EBIBELENI | MATEWU 10-11
Yesu U Phyuphyise Vanhu
“Joko ra mina ra olova”
Leswi Yesu a ri muvatli, a swi tiva kahle ku endla joko, swi nga endleka leswaku a a ri tsondzela hi lapi kumbe dzovo leswaku ri nga vavisi swifuwo. Loko hi khuvuriwa hi rhwala joko ra ku va vadyondzisiwa va Yesu. Hi byarha vutihlamuleri bya nkoka naswona hi nga ha langutana ni mitlhontlho kambe ku endla tano swa phyuphyisa naswona swi tisa mikateko yo tala.
Hi yihi mikateko leyi u yi kumeke ku sukela loko u rhwale joko ra Yesu?