“Xixima Tata Wa Wena Ni Mana Wa Wena”

Loko Yesu a ha ri laha misaveni, u kandziyise nawu lowu nge: “Xixima tata wa wena ni mana wa wena.” (Eks 20:12; Mt 15:4) Yesu a a ri ni ntshunxeko wo vula marito lawa hikuva loko a ha ri ntsongo a va xixima vatswari vakwe. (Lk 2:51) Loko a kurile, u tiyisekise leswaku mana wakwe a a ta sala a hlayisiwa endzhaku ka rifu rakwe.—Yh 19:26, 27.

Ninamuntlha, vantshwa lava nga Vakreste naswona va yingisaka ni ku vulavula ni vatswari va vona hi ndlela ya xichavo va va xixima. Kahlekahle nawu lowu, lowu vulavulaka hi ku xixima vatswari va hina a wu hundzeriwi hi nkarhi. Hambiloko vatswari va hina se va dyuharile, hi fanele hi hambeta hi va yingisa hi tlhela hi dyondza eka vona. (Swiv 23:22) Nakambe hi kombisa leswaku hi xixima vatswari va hina lava dyuhaleke hi ku va khathalela hilaha hi nga kota hakona. (1Tm 5:8) Ku nga khathariseki leswaku hi kule ku fikela kwihi, ku vulavurisana ni vatswari va hina hi ndlela ya xichavo i swa nkoka swinene.

HLALELANI VHIDIYO YA TIPOPAYI LEYI NGE NDZI NGA VULAVURISANA NJHANI NI VATSWARI VA MINA? KUTANI MI HLAMULA SWIVUTISO LESWI LANDZELAKA:

• I yini lexi nga ha endlaka swi ku tikela ku vulavurisana ni vatswari va wena?

• U nga swi kombisa njhani leswaku wa va xixima vatswari va wena loko u vulavula na vona?

• Hikwalaho ka yini swi ri swa nkoka ku endla matshalatshala yo vulavurisana ni vatswari va wena?