Mitirho Leyinene Leyi Nga Rivalekiki

Hinkwerhu hi nga swi kota ku endlela Yehovha mitirho leyinene leyi a nga ta ka a nga yi rivali. Ku fana ni mutswari loyi a rhandzaka vana va yena, Yehovha a nge wu rivali ntirho wa hina ni ndlela hi n’wi rhandzaka ha yona. (Mt 6:20; Hv 6:10) I ntiyiso leswaku vuswikoti ni swiyimo swa hina a swi fani. Kambe loko hi endla hinkwaswo leswi hi nga swi kotaka leswaku hi tirhela Yehovha, hi ta tsaka. (Ga 6:4; Kl 3:23) Se swi endla malembe vamakwerhu va ri karhi va tirhela Yehovha eBethele. Xana u nga swi kota ku ya tirha eBethele? Loko u nga ta swi kota, khutaza un’wana leswaku a ya tirha kona kumbe u pfuna un’wana loyi a tirhaka kona leswaku a ya emahlweni ni xiavelo xakwe.

HLALELANI VHIDIYO LEYI NGE TIKARHATELE KU YA TIRHA EBETHELE, ENDZHAKU MI HLAMULA SWIVUTISO LESWI LANDZELAKA:

• I yini lexi faneleke xi hi susumetela ku ya tirha eBethele?

• I yini leswi van’wana va swi vuleke hi mikateko leyi va yi kumeke hikwalaho ko tirha eBethele?

• Ku laveka yini leswaku munhu a kota ku ya tirha eBethele?

• U nga xi endla njhani xikombelo xo ya tirha eBethele?