LESWI HI SWI DYONDZAKA EBIBELENI | EKSODA 10-11

Muxe Na Aroni Va Kombise Xivindzi

10:3-6, 24-26, 28; 11:4-8

Muxe na Aroni va kombise xivindzi loko va vulavula na Faro wanuna loyi a a ri na matimba swinene emisaveni hi nkarhi wolowo. I yini lexi va pfuneke leswaku va va ni xivindzi? Bibele yi vula leswi hi Muxe: “Hi ripfumelo u suke aEgipta, kambe a a nga chavi ku hlundzuka ka hosi, hikuva a a hambeta a tserhama onge hiloko a vona Loyi a nga vonakiki.” (Hv 11:27) Muxe na Aroni a va ri ni ripfumelo leri tiyeke eka Yehovha naswona a va titshege hi yena.

Hi swihi swiyimo leswi lavaka xivindzi leswaku u yimela ripfumelo ra wena eka loyi a nga ni vulawuri?

Swifaniso: Swiyimo leswi lavaka hi kombisa xivindzi. 1. Xifanyetana xi ri exikolweni xi ri karhi xi yimile loko vana lavan’wana va losa mujeko. 2. Makwerhu a ri emahlweni ka vaavanyisi ekhoto. 3. Muntshwa a ri karhi a nyika n’wini wa muti xiphephana ensin’wini phorisa ri n’wi langutile.