Mi Tivonela Leswaku Mi Nga Hangalasi Mavunwa

Namuntlha mahungu ma hangalaka hi ku hatlisa hi ku tirhisa phephahungu, xiyanimoya, thelevhixini na Inthanete. Lava va gandzelaka “Xikwembu xa ntiyiso” va swi papalata hi ku helela ku hangalasa mavunwa. (Ps 31:5; Eks 23:1) Ku hleva swi nga twisa munhu un’wana ku vava. Loko u lava ku tiva leswaku xana mhaka yo karhi i ntiyiso, tivutise leswi:

• ‘Xana loyi a ni byelaka rungula leri wa tshembeka?’ Swi nga endleka loyi a ku byelaka a nga tivi mhaka hi vuenti. Loko vanhu va rungula mhaka leyi va yi tweke a va yi vuli yi helela, va siya swin’wana hikwalaho tiyiseka ku wa swi tiva leswaku mhaka leyi yi huma kwihi. Hikwalaho ka leswi vamakwerhu va nga ni vutihlamuleri byo rhangela evandlheni naswona va nga swikombiso leswinene swo hundzisela rungula ra ntiyiso, va fanele va tiyiseka leswaku leswi va swi vulaka swi kambisisiwile.

• ‘Xana mhaka leyi yi thyakisa munhu vito?’ Loko ku ri leswaku mhaka leyi u yi tweke yi onha vito ra munhu kumbe ntlawa wo karhi i swinene leswaku u nga yi emahlweni u vulavula hi yona.—Swiv 18:8; Flp 4:8

• ‘Xana mhaka ya kona ya tshembeka?’ U nga tshembi xin’wana ni xin’wana lexi u xi twaka

HLALELANI VHIDIYO LEYI NGE, NDZI NGA RI SIVELA NJHANI RIHLEVO? KUTANI MI HLAMULA SWIVUTISO LESWI LANDZELAKA:

• 

  Hi ku ya hi Swivuriso 12:18, marito ma nga twisa munhu ku vava njhani?

• 

  Vafilipiya 2:4 yi hi pfuna njhani leswaku hi va ni langutelo lerinene loko hi vulavula hi van’wana?

• 

  Hi fanele hi endla yini loko vanhu va sungula ku vulavula swilo swo biha hi vanhu van’wana?

• 

  Hi nga se vulavula hi vanhu van’wana, hi swihi swivutiso leswi hi nga ti vutisaka swona?