Ku Antswisa Vutshila Bya Hina Ensin’wini​—Ku Chumayela Eka Khamera Kumbe Intercom

HIKWALAHO KA YINI SWI RI SWA NKOKA: Ku antswisiwa ka thekinoloji ni ku andza ka vugevenga swi endle leswaku vanhu vo tala va sungula ku tirhisa tikhamera na ti-intercom emakaya ya vona. Swi nga hi tikela ku chumayela mahungu lamanene eka munhu loyi a hi vonaka kambe hina hi nga koti ku n’wi vona. Switsundzuxo leswi landzelaka swi ta hi pfuna leswaku hi kota ku chumayela eka ti-intercom ni le ka tikhamera handle ko chava.

NDLELA LEYI HI NGA SWI ENDLAKA HA YONA:

• Vana ni langutelo lerinene. Vanhu vo tala lava nga ni tikhamera kumbe ti-intercom va swi tsakela ku bula na hina

• Tsundzuka leswaku tikhamera tin’wana ti kota ku rhekhoda hambiloko u nga se presa batheni ni leswaku n’wini wa muti u va a ku langutile ni ku twa leswi u swi vulaka loko u ri karhi u nghena

• Loko n’wini wa muti a hlamula, vulavula eka intercom kumbe khamera onge hiloko u vulavula na yena hi xiviri. N’wayitela u tlhela u tshwukatshwukisa miri hi ndlela ya ntumbuluko. Vula leswi a wu ta n’wi byela swona mi langutanile. Loko ku ri na khamera u nga yi tshineleli ngopfu

• Endzhaku ka loko u gimete bulo ra wena ni n’wini wa muti, tsundzuka leswaku swi nga ha endleka a ha ku langutile