Xana U Nga Nyikela Hi Matimba Kumbe Nkarhi Wa Wena?

Hilaha Esaya a profeteke ha kona, hi vona ku andza lokukulu eka xiphemu xa nhlangano wa Yehovha wa laha misaveni. (Esa 54:2) Hikwalaho ka ku andza loku swi endla leswaku ku va ni xilaveko xo aka Tiholo ta Tinhlengeletano ta vandlha letintshwa, Tiholo ta Tinhlengeletano ni marhavi. Loko se tiakiwile, tiholo teto ti lava ku khathaleriwa naswona tin’wana ti lava ku pfuxetiwa. Leswi swi hi nyika lunghelo ro tirhisa nkarhi ni matimba ya hina entirhweni wa Yehovha hi ndlela yihi?

• Hi nga hoxa xandla loko ntlawa wa hina wu averiwe ku basisa eHolweni

• Hi nga kombela ku leteriwa leswaku hi ta kota ku khathalela Tiholo ta hina

• Hi nga tata Fomo Ya Vatirhi Vo Tirhandzela ya Ndzawulo yo Pulana ni ku Aka (DC-50) leswaku hi kota ku pfuneta nkarhi na nkarhi entirhweni wo aka ni wo khathalela Tiholo loko ku ri ni matsima yo aka ya le kusuhi ni laha hi tshamaka kona

• Hi nga tata Foma Ya Vatirhi Vo Tirhandzela (A-19) leswaku hi ta pfuneta vhiki kumbe ku tlula erhavini ra Bethele ya laha hi tshamaka kona kumbe ya marhavi man’wana

HLALELANI XIPHEMU XA VHIDIYO LEYI NGE, HI KUNGUHATA KU AKA MUAKO LOWUNTSHWA KUTANI MI HLAMULA SWIVUTISO LESWI LANDZELAKA:

• Hi kwihi ku cinca loku veke kona eka ndlela leyi hi ti tirhisaka ha yona tivhidiyo ku sukela hi 2014?

• Leswaku hi kota ku humesa tivhidiyo leti lavekaka, i tsima rihi leri kunguhatiweke naswona muako wa kona wu ta hela rini?

• Vatirhi va ku tirhandzela va nga pfuna njhani eka tsima leri?

• Loko hi lava ku pfuneta eka matsima yo aka ya laha hi tshamaka kona hikwalaho ka yini hi fanele hi tata fomo ya (DC-50), kutani hi pfuna Ndzawulo yo Pulana ni ku Aka ya le kusuhi ni laha hi tshamaka kona?

• Hi byihi vumbhoni lebyi kombisaka leswaku Yehovha wa ma seketela matsima lama?

• Hi nga ri seketela njhani tsima leri hambiloko hi nga ri eka ntlawa wo aka?