Tinhlengeletano Ta Xifundzha Ti Hi Nyika Nkarhi Wo Kombisana Rirhandzu

Hikwalahokayini hi tirhandza tinhlengeletano ta xifundzha leti hi va ka na tona lembe ni lembe? Ku fana ni le nkarhini wa Vaisrayele va khale, tinhlengeletano ti hi nyika nkarhi wo gandzela Yehovha swin’we ni vamakwerhu vo tala. Ha tiphina hi tidyondzo leti hi pfunaka ku tiyisa vuxaka bya hina na Yehovha. Naswona hi tlhela hi wu teka wu ri wa nkoka nkarhi lowu hi wu hetaka hi ri na vanghana ni mindyangu ya hina. Ku tlangela loku hi nga na kona ku hi susumetela ku va kona enhlengeletanweni ya xifundzha ya masiku manharhu.

Loko hi kuma nkarhi wo hlengeletana swin’we ni vamakwerhu, a hi fanelanga hi ehleketa ntsena hileswi hi nga ta vuyeriwa ha swona kambe hi fanele hi ehleketa hi ndlela leyi hi nga ta komba van’wana rirhandzu. (Ga 6:10; Hv 10:24, 25) Loko hi khomela vamakwerhu rivanti kumbe hi hlayisa switulu leswi hi nga ta swi tirhisa ntsena hi kombisa leswaku hi ehleketelela van’wana. (Flp 2:3, 4) Etinhlengeletanweni hi va ni nkarhi lowunene wo kuma vanghana. Loko nongonoko wu nga se sungula, hi nkarhi wo wisa ni loko nongonoko wu hela, hi yona mikarhi leyi hi faneleke hi yi tirhisa leswaku hi tiva vanhu lava a hi nga va tivi. (2Ko 6:13) Vanghana lava hi nga ta va kuma va ta va vanghana va hina hilaha ku nga heriki! Ku tlula sweswo, vanhu lava va nga riki Timbhoni loko va vona hi kombana rirhandzu hi ndlela leyi va ta lava ku gandzela Yehovha na vona.—Yh 13:35.

HLALELANI VHIDIYO LEYI NGE, NHLENGELETANO YA MATIKO YA, “RIRHANDZU A RI HELI”! KUTANI MI HLAMULA SWIVUTISO LESWI LANDZELAKA:

• 

  Vaendzi va kombisiwe njhani rirhandzu enhlengeletanweni ya matiko ya 2019?

• 

  Hikwalahokayini vun’we ni rirhandzu leri vanhu va Yehovha va kombisanaka rona ri ri ra nkoka?

• 

  Swirho swa Huvo Leyi Fumaka swi vule leswaku i yini leswi Vakreste va faneleke va swi endla leswaku va kombisana rirhandzu?

• 

  Rirhandzu ra Vukreste ri vonake njhani eJarimani ni le Korea Dzonga?

• I yini leswi hi faneleke hi tiyimisela ku swi endla?