Xana U Nga Swi Kota Ku Teka Vuphayona Bya Nkarhinyana Hi March Na April?

Xana u nga tsakela ku endla leswi engetelekeke entirhweni wa Yehovha hi nkarhi lowu wa Xitsundzuxo? (2Ko 5:14, 15) Hi March na April, maphayona ya nkarhinyana ma nga hlawula ku tirha tiawara ta 30 kumbe 50. Loko u lava ku phayona hi tin’hweti leti, u nga ta ta fomo kutani u yi heleketa eka Komiti Ya Ntirho Ya Vandlha. N’hweti yin’wana ni yin’wana ku ta tivisiwa mavito ya lava va tekeke vuphayona bya nkarhinyana evandlheni. Leswi swi ta endla leswaku vandlha ri kota ku seketela lava tekeke vuphayona hi ku tirha na vona ensin’wini. Onge hinkwerhu hi nga tirhisa nkarhi lowu wa Xitsundzuxo ku va hi antswisa vuswikoti bya hina byo dyondzisa ni ku tlhela hi khutazana.—1Te 5:11.