MAHANYELO YA VAKRESTE
Switsundzuxo Swa Nhlengeletano Ya Ntirho Wa Nsimu
Ku fana ni tinhlengeletano ta vandlha, tinhlengeletano ta nsimu i lunghiselelo leri humaka eka Yehovha leri hi pfunaka ku khutazana ni ku endla mitirho leyinene. (Hv 10:24, 25) Ti fanele ti teka kwalomu ka 5 ku ya eka 7 wa timinete, ti katsa ni ku ava mitlawa, ku hlawula laha ku nga ta tirhiwa kona ni xikhongelo. (Loko ku ve ka ha ta va na nhlengeletano yin’wana, nhlengeletano ya nsimu yi fanele yi koma swinene.) Loyi a yi fambisaka u fanele a va a lunghiselele leswi nga ta pfuna lava yaka ensin’wini. Hi xikombiso, loko ku ve vo tala lava nga ta ensin’wini hi Mugqivela a va nga ri kona ensin’wini ku sukela vhiki leri nga hundza, swi nga va kahle loko mo bula hi leswi mi nga ta swi vula eka n’wini wa muti. Hi swihi swin’wana leswi mi nga bulaka ha swona leswi nga mi pfunaka?
Swiringanyeto swo sungula mabulo leswi nga eka Mahanyelo Ni Ntirho Wa Hina Wo Chumayela—Xibukwana Xa Nhlengeletano
Ndlela yo tirhisa leswi swa ha ku endlekaka kumbe swiviko swa mahungu leswaku u sungula bulo
Ndlela yo hlamula lava ringetaka ku siva bulo
Ndlela yo hlamula loyi a nga pfumeriki leswaku Xikwembu xi kona, loyi a pfumelaka leswaku swilo swi lo tiendlekela, loyi a vulavulaka ririmi rin’wana kumbe loyi a nghenaka kereke leyi nga dumangiki endhawini ya ka n’wina
Ndlela yo tirhisa leswi nga eka website ya jw.org/ts, app ya JW Library® kumbe Bibele
Ndlela yo tirhisa xin’wana xa switirhisiwa leswi kumekaka eka Switirhisiwa Swo Pfuneta Ku Dyondzisa
Ndlela yo tirhisa tindlela tin’wana leswaku u chumayela, to tanihi ku tirhisa foni, ku tsala mapapila, ku chumayela etindhawini ta mani na mani, maendzo yo vuyela kumbe tidyondzo ta Bibele
Switsundzuxo swa vuhlayiseki, ku fambisana ni swiyimo, ku tikhoma hi ndlela leyinene, langutelo lerinene kumbe swin’wana
Dyondzo kumbe vhidiyo leyi kumekaka eka broxara leyi nge, Tinyiketele Eku Hlayeni Ni Le Ku Dyondziseni
Ndlela yo khutaza ni ku pfuna loyi u tirhaka na yena nsimu
Tsalwa leri nga pfunaka ensin’wini kumbe ntokoto wo karhi