Leswi Nga Ku Pfunaka Ku Dyondza

Xana wa swi rhandza ku hlaya hi timhaka ta vutomi ta vamakwerhu?

Vatekani lava hlayaka timhaka ta vutomi ta vamakwerhu mixo wun’wana ni wun’wana va ri: “Swa hi tsakisa ni ku hi khutaza loko hi hlaya hi mitokoto ya vamakwerhu! Na hina ya hi pfuna leswaku hi nga swi kota ku tshembeka eka swiyimo hinkwaswo.” Makwerhu waxisati loyi a titwaka hi ndlela leyi fanaka u tsale a ku: “Mitokoto leyi ya vamakwerhu ya chavelela naswona yi khumba mbilu. Vamakwerhu va hanya vutomi lebyi nga ni xikongomelo. Mitokoto leyi yi ndzi pfuna leswaku ndzi endla swo tala entirhweni wo chumayela ni leswaku ndzi khutaza vana va mina va tirhela Yehovha eka ntirho wa nkarhi hinkwawo.”

Timhaka ta vutomi ta vamakwerhu ti nga ku pfuna leswaku u tikarhatela ku fikelela leswi nga ta tsakisa Yehovha, u hlula ku tsana ka wena ni ku tiyisela miringo leyikulu u tsakile. U nga yi kuma kwihi mitokoto leyi?

• Nghena eka swihloko leswi tlhandlamanaka eka “Life Stories of Jehovah’s Witnesses” leyi nga eka jw.org.

• Secha “Life Stories of Jehovah’s Witnesses” eka Watchtower ONLINE LIBRARY kumbe eka Watchtower Library.