Leswi Nga Ku Pfunaka Ku Endla Ndzavisiso

Tiprojeke Ta Vana

Vatswari va ni vutihlamuleri lebyikulu byo dyondzisa vana va vona hi Yehovha. (Efe. 6:4) Nhlangano wa Yehovha wu humese swilo swo hambanahambana leswi nga pfunaka vatswari va dyondzisa vana va vona. Xana u nga swi tirhisa njhani swilo leswi ku dyondzisa vana va wena?

• Nghena eka JW.ORG. Eka yona ku ni swilo hinkwaswo leswi endleriweke ku dyondzisa vantshwa ku katsa tivhidiyo ni matluka ya switoloveto.a Leswaku u kuma swilo leswi, tsala “Vana” kumbe “Vantshwa” laha ku sechiwaka kona.

• Hlawula leswi nga pfunaka n’wana wa wena. Leswi kumekaka ehansi ka xiyenge lexi nge, “Vana” swi nga ku pfuna u hlawula leswi nga pfunaka n’wana wa wena hi ku kongoma. Leswaku u kuma leswi, secha “Tidyondzo Ta Vugandzeri Bya Ndyangu.”

• Endla tiprojeke na vona. Papalata ku va tlangela tivhidiyo kumbe ku va nyika matluka ya switoloveto hi xikongomelo xo va hungasa. Ematshan’weni ya sweswo, endla swilo leswi ni n’wana wa wena ni ku n’wi pfuna leswaku a va ni vuxaka na Yehovha.