Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • w23 November tl. 31
  • Hulda U Fikelele Leswi A A Swi Lava

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Hulda U Fikelele Leswi A A Swi Lava
  • Xihondzo xo Rindza Xi Huwelela Mfumo Wa Yehovha (Lexi Dyondziwaka eVandlheni)(2023)
  • Tinhlokomhaka Tin'wana Leti Yelana Na Yona
  • Xiphepherhele Lexi Pfumelelanaka Ni Leswi Tsariweke EBibeleni
    Xalamuka!—2009
  • Layiburari Leyi U Nga Tshamaka U Ri Na Yona
    Ndlela Leyi Minyikelo Ya Wena Yi Tirhisiwaka Ha Yona
  • Ku Huwelela Mfumo Wa Xikwembu eSwihlaleni Swa Fiji
    Xihondzo xo Rindza Xi Huwelela Mfumo Wa Yehovha—2000
  • “A Ndzi Nga Si Tshama Ndzi Rhandziwa Hi Ndlela Leyi”
    Xihondzo xo Rindza Xi Huwelela Mfumo Wa Yehovha—2008
Vona Swo Tala
Xihondzo xo Rindza Xi Huwelela Mfumo Wa Yehovha (Lexi Dyondziwaka eVandlheni)(2023)
w23 November tl. 31

Hulda U Fikelele Leswi A A Swi Lava

LOKO emalembeni lama hundzeke u tshame u endzela xihlala lexitsongo xa Sangir Besar eIndonesia, swi nga endleka u va vonile vamakwerhu vanharhu va xisati va ri eribuweni. Va tiveka ngopfu exihlaleni lexi hikwalaho ka ntirho wa vona wo pfuna vanhu leswaku va twisisa Bibele. Kambe eka xiendlakalo lexi, a va endla ntirho wun’wana lowu hambaneke.

Mepe wa tiko ra Indonesia ni matiko lawa ma ri rhendzeleke. Xirhendzevutana lexi kombisaka xihlala xa Sangir Besar.

Xihlala xa Sangir Besar en’walungwini wa Indonesia

Xo sungula lexi a va xi endla, a va nghena endzeni ka lwandle ivi va huma ni maribye yo tika va ma veka eribuweni. Man’wana ya maribye wolawo a ma ringana ni bolo ya milenge hi ku kula. Xa vumbirhi, a va tshama eswitulwini leswitsongo leswi endliweke hi mapulanga ivi va fayelela maribye wolawo hi hamula leswaku ma va swiphemu leswitsongo leswi ringanaka ni tandza. Xa vunharhu, a va hoxa maribye wolawo lamantsongo endzeni ka bakiti naswona a va famba hi ndlela leyi nga ni switepisi ku kondza va fika emakaya ya vona. Xo hetelela, a va hoxa maribye wolawo endzeni ka tibege letikulu leti a ti ta khandziyisiwa etilorini leswaku ti ya tirhisiwa eka tikontraka to lunghisa mapatu.

Hulda a ri karhi a hlengeleta maribye eribuweni

Un’wana wa vamakwerhu lava va xisati a ku ri Hulda. Ku hambana ni van’wana, swiyimo swakwe a swi n’wi pfumelela ku heta nkarhi wo tala entirhweni lowu. Hakanyingi mali leyi a a yi hola a yi tirhisela ku hakela swilaveko swa ndyangu wakwe. Kambe sweswi a a lava ku hlayisa yin’wana ya mali yoleyo leswaku a yi tirhisela swin’wana. A a lava tablet leyi a ta nghena hi yona eka app ya JW Library. Hulda a a swi tiva leswaku tivhidiyo ni swin’wana leswi kumekaka eka app leyi, a swi ta n’wi pfuna entirhweni wo chumayela ni ku tlhela swi n’wi pfuna ku hlaya ni ku twisisa Bibele.

Ku ringana n’wheti na hafu, Hulda u tirhe tiawara timbirhi mixo wun’wana ni wun’wana a ri karhi a fayelela maribye yo tala lawa a ma ta hoxiwa ebakini. Eku heteleleni u kume mali leyi ringaneke yo xava tablet.

Hulda ni tablet yakwe

Hulda u ri: “Hambileswi a ndzi karhele ni ku twa ku vava hikwalaho ko fayelela maribye, ndzi hatle ndzi swi rivala hikuva tablet yi ndzi pfunile leswaku ndzi tshama ndzi lunghekele ntirho wo chumayela ni ku lunghiselela tinhlengeletano ta le xikarhi ka vhiki hi ku olova.” Nakambe u vula leswaku eku sunguleni ka ntungu, tablet yi n’wi pfunile swinene tanihi leswi tinhlengeletano ta vandlha a ti khomiwa hi endlelo ra thekinoloji. Hi tsaka na yena Hulda hileswi a koteke ku fikelela leswi a a swi lava.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela