Kuma Tidyondzo Ta Risima Leti U Nga Ti Tirhisaka

Loko hi hlaya Bibele, hi nga kuma tidyondzo ta risima hi ku endla ndzavisiso. Kambe hi nga endla yini leswaku ti hi vuyerisa swinene?

Kambisisa vuxokoxoko bya mhaka leyi u dyondzaka hayona eBibeleni. Hi xikombiso, lavisisa leswaku i mani loyi a tsaleke buku yoleyo ya Bibele, a a yi tsalela mani naswona rini. A swi ri njhani swiyimo, a ku endleke yini emahlweni ka swona naswona ku endleke yini endzhaku?

Ehleketa hi tidyondzo leti u nga ti kumaka hi ku tivutisa swivutiso swo fana ni leswi: ‘Xana vanhu lava katsekaka va titwe njhani? Va kombise vumunhu bya njhani? Hikwalahokayini ndzi fanele ndzi va tekelela kumbe ndzi papalata ku va tekelela?’

Tirhisa tidyondzo leti u ti dyondzeke kumbexana ku nga ha va ensin’wini kumbe loko u hanyisana ni vanhu van’wana. Hi ku endla tano, u kombisa leswaku u ni vutlhari lebyi humaka eka Xikwembu, hilaha Bibele yi vulaka hakona loko yi ku: “Un’wana ni un’wana la tlhariheke u ta vona swilo leswi.”—Ps. 107:43.

• Leswi nga ku pfunaka: Xiya ndlela leyi rungula ra tinhlengeletano ta vandlha ta le xikarhi ka vhiki, eka xiyenge lexi nge, Leswi Hi Swi Dyondzaka eBibeleni, ri hi pfunaka hayona ku ehleketa ni ku tirhisa leswi hi swi dyondzaka eBibeleni. Xiyenge lexi xi tshama xi ri ni swivutiso leswi hi nga tivutisaka, tinhla to anakanyisisaka ni swifaniso leswi hi nga swi kambisisaka.