Byela Van’wana Leswi U Swi Dyondzeke

Ku dyondza swa hi phyuphyisa kambe hi nga phyuphya swinene loko hi byela van’wana swilo leswi khutazaka leswi hi swi dyondzeke. Swivuriso 11:25 yi ri: “Loyi a nyikaka van’wana mati va nwa na yena u ta nyikiwa mati a nwa.”

Loko hi byela van’wana leswi hi swi dyondzeke, swi ta hi pfuna leswaku hi swi tsundzuka hi ku olova ni ku endla leswaku hi ya emahlweni hi va ni vutivi. Nakambe swa hi tsakisa ku byela van’wana leswi hi swi dyondzeke hikuva swi nga va pfuna.—Mit. 20:35.

Ringeta leswi: Vhiki leri landzelaka, lava tindlela to byela van’wana leswi u swi dyondzeke. Ku nga ha va xirho xa ndyangu, un’wana evandlheni ra wena, mutirhikulobye, mudyondzikulobye, muakelani kumbe un’wana loyi u hlanganaka na yena ensin’wini. Ringeta ku byela un’wana leswi u swi dyondzeke hi ndlela yo olova naswona u nga swi hlayi.

Tsundzuka: Hi byela van’wana leswi hi swi dyondzeke leswaku hi va khutaza ku nga ri hileswi hi lavaka ku tekeriwa enhlokweni.—1 Kor. 8:1.