Xi Tirhise Kahle Xivoni

Mudyondzisiwa Yakobo u fanise Bibele ni xivoni lexi kotaka ku hi komba munhu loyi hi nga yena endzeni. (Yak. 1:​22-25) Hi nga yi tirhisa njhani Bibele tanihi xivoni?

Yi hlaye hi vukheta. Loko ho ti languta exivonini hi ku hatlisa, hi nga ha honisa swilo leswikulu leswi hi faneleke hi swi lunghisa. Leswaku hi kota ku swi vona kahle swilo leswi hi faneleke hi swi antswisa eka vumunhu bya hina, hi fanele hi hlaya Rito ra Xikwembu hi vukheta.

Languta wena ku nga ri van’wana. Loko wo yima eka tlhelo ro karhi exivonini, u nga kota ku vona swilo leswi faneleke swi lunghisiwa eka munhu un’wana. Hilaha ku fanaka, hi nga ha tirhisa Bibele ku vona swihoxo swa van’wana. Kambe loko hi endla tano, a swi nge hi pfuni ku lulamisa swihoxo swa hina.

Vana ni langutelo lerinene. Loko hi tshamela ku languta swihoxo swa hina, hi nga hela matimba. Hikwalaho hi fanele hi va ni langutelo lerinene loko hi hlaya Rito ra Xikwembu hi ku va hi nga languteli swo tala eka hina vini ku tlula leswi Yehovha a swi languteleke.—Yak. 3:17.