Yesu U “Dyondze Ku Yingisa”

Yesu a nga si tshama a nga n’wi yingisi Yehovha. (Yoh. 8:29) Kambe hikwalahokayini Bibele yi ku: “U dyondze ku yingisa hikwalaho ka ku xaniseka kakwe”?—Hev. 5:8.

Loko Yesu a ri laha misaveni, u langutane ni swilo leswi nga endlekiki etilweni. U kurisiwe hi vatswari lava a va tinyiketerile eka Xikwembu kambe a va endla swihoxo. (Luka 2:51) U xanisiwe hi varhangeri va vukhongeri lava a va ri ni vukungundzwana ni vafumi lava nga riki ni vululami. (Mat. 26:59; Mar. 15:15) Nakambe “u titsongahatile kutani a yingisa ku ya fika eku feni” hi ndlela yo vava.—Filp. 2:8.

Swilo leswi swi dyondzise Yesu ku yingisa hi ndlela leyi a a nga ta pfuka a yi dyondzile etilweni. Hi ndlela yoleyo, u ve Hosi leyinene tlhelo Muprista Lonkulu, loyi a kotaka ku hi twela vusiwana. (Hev. 4:15; 5:9) Yesu u ye a va wa risima swinene eka Yehovha endzhaku ka loko a dyondze ku yingisa hikwalaho ka ku xaniseka kakwe. Na hina hi nga ya hi va va risima swinene eka Yehovha ni ku tlhela a hi tirhisa eka xiavelo xin’wana ni xin’wana lexi a nga hi nyikaka xona loko mikarhi hinkwayo hi yingisa hambiloko hi ri eka swiyimo swo tika.—Yak. 1:4.