Ndzimana Ya Lembe Ya 2011

“Tumbela evitweni ra Yehovha.”—SOFANIYA 3:12.

“Ntumbuluko hinkwawo wu hambeta wu konya ni ku vaviseka swin’we ku ta fika sweswi.” (Rhom. 8:22) A ku na munhu loyi a nga kanetaka marito lawa, lama huhuteriweke. Vanhu va timiliyoni va khomiwe hi ndlela ya tihanyi, va tshikileriwa, va hlaseriwa hi timhangu ta ntumbuluko, mavabyi, vusweti, nyimpi ni vugevenga. Na hina vanhu lava tirhelaka Yehovha ha langutana ni swilo leswi. Ku engetela kwalaho, vanhu van’wana va hi delela, va hi venga va tlhela va hi xanisa, hilaha Yesu na yena a khomiweke hakona.

Ku nga khathariseki swiphiqo swa misava ya Sathana, a hi heleriwi hi matimba. Ematshan’weni ya sweswo, ha tsaka ku tiva leswaku ku nga ri khale, Yehovha u ta herisa maxangu hinkwawo emisaveni. Ntshembo wa hina wu le ka Xikwembu xa hina. Ina, hi tumbela eka Yehovha, loyi a nga ma khomisiki tingana malandza ya yena yo tshembeka.