Ndzimana Ya Lembe Ya 2016

“Vo tala . . . va ta vengana. . . . Rirhandzu ra vo tala ri ta hola.” (Mat. 24:10, 12) Marito lawa ya Yesu ma kombise leswaku ku pfumaleka ka rirhandzu a ku ta fungha vanhu lava a va hanya emalembeni yo hetelela ya ku lovisiwa ka Yerusalema hi 70 C.E. Ku hambana ni sweswo, vadyondzisiwa va Kreste a va ta voniwa hi rirhandzu leri a va ri na rona. (Yoh. 13:35) Mawaku ndlela leyi swi faneleke swi va khutaze ha yona Vakreste va Vaheveru eYerusalema loko va hlaya marito ya Pawulo lama vulavulaka hi rirhandzu ra vona ra vumakwerhu ni ku va khutaza leswaku va hambeta va ri kombisa!

Namuntlha, hi le kusuhi ni ku herisiwa ka mafambiselo hinkwawo ya swilo ya Sathana. Ku fana ni vamakwerhu va le minkarhini ya vaapostola, hi hanya ni vanhu lava rhandzaka mali, mintsako ni ku tlhela va tirhandza kambe va nga rhandziki Xikwembu kumbe vanhu. (2 Tim. 3:1-4) Kambe rirhandzu ra vumakwerhu ra andza emisaveni hinkwayo exikarhi ka Timbhoni ta Yehovha. Onge hi nga dzunisa Yehovha, loyi a nga ni rirhandzu swinene hi ku hambeta hi kombisa rirhandzu ra hina ra vumakwerhu.