Ku Kuma Ntshembo Hi 2024​—Xana Bibele Yi Ri Yini Hi Mhaka Leyi?

Vo tala a va yi voni ndlela yo huma eka swiphiqo leswi misava yi nga ta langutanaka na swona hi 2024. Hambiswiritano, hi nga kuma ntshembo hi vumundzuku. Kwihi?

Bibele yi hi nyika ntshembo

Bibele yi tshembisa leswaku Xikwembu xi ta herisa swiphiqo leswi endlaka leswaku hi nga vi na ntshembo evuton’wini bya hina. Ku nga ri khale Xikwembu “xi ta sula mihloti hinkwayo ematihlweni ya vona, rifu a ri nge he vi kona, hambi ku ri nkosi, ku rila ni switlhavi a swi nge he vi kona.”​—Nhlavutelo 21:4.

• Leswaku u dyondza switshembiso swa Bibele hi vumundzuku, hlaya nhlokomhaka leyi nge, “A Real Hope for a Better Tomorrow.”

Ndlela leyi Bibele yi nga ku pfunaka ha yona sweswi

Bibele yi ku nyika ntshembo hi vumundzuku lowu nga ku pfunaka u lwisana ni ku titwa loku hoxeke ivi u va ni langutelo lerinene. (Varhoma 15:13) Switsundzuxo leswinene swa le Bibeleni swi nga ku pfuna leswaku u hlula swiphiqo leswi u langutanaka na swona sweswi swo fana ni vusweti, vuhomboloki ni vuvabyi.

• Vona ndlela leyi ntshembo lowu hi wu kumaka eBibeleni wu pfuneke wanuna un’wana leswaku a va ni ku rhula ni ntsako hambiloko a kulele evuswetini. Hlalela vhidiyo leyi nge, Juan Pablo Zermeño: Yehovha U Ndzi Endle Munhu.

• Vona ndlela leyi Bibele yi nga ku pfunaka hayona leswaku u hlula ku titwa nandzu, gome, ku vilela ni ku feriwa. Hlaya nhlokomhaka leyi nge, “Can I Find Words of Comfort in the Bible?”

• Vona ndlela leyi socha leri tihlamuselaka tanihi “munhu wa munyama ni loyi a nga khathaliki hi munhu” ri kumeke ntshembo eBibeleni. Hlalela vhidiyo leyi nge, Ndzi Tshika Vusocha.

Endla leswaku lembe ra 2024 ri va lerinene eka wena ni ndyangu wa wena. Dyondza leswi engetelekeke hi ndlela leyi Bibele yi nga ku pfunaka hayona. Ringeta dyondzo ya hina ya Bibele ya mahala. Vona ndlela leyi Xikwembu xi nga ku nyikaka hayona “ku rhula” sweswi swin’we ni ‘vumundzuku lebyi u byi languteleke.’​—Yeremiya 29:11.