Leswi Nga Endlaka Hi Tsaka eMikarhini Leyi Yo Tika—⁠Bibele Yi Ri Yini Hi Mhaka Leyi?

Emikarhini leyi yo tika, a hi swilo hinkwaswo leswi hi endlekelaka leswi hi nga kotaka ku swi lawula. Hambiswiritano, ntsako wa hina a wu titsheganga hi swilo leswi hi endlekelaka kambe wu titshege hi langutelo ra hina. Bibele yi vula leswaku lava nga “ni mbilu leyi tsakeke [va ni] nkhuvo lowu nga heriki,” swi nga ri na mhaka swiphiqo leswi va langutanaka na swona. (Swivuriso 15:15; Bibele Ya Mahungu Lamanene) Hi nga endla yini leswaku hi va lava tsakeke? Xiya ndlela leyi switsundzuxo swa le Bibeleni swi nga ku pfunaka hayona.

Ndlela yo langutana ni ku vilela

Bibele yi ri: “Ku vilela ku tshikilela mbilu, kambe rito lerinene ra yi tsakisa.”—Swivuriso 12:25.

• Bibele yi nga ku pfuna leswaku u nga ha vileli ngopfu. Leswaku u tiva ndlela leyi u nga swi endlaka hayona sweswo, hlaya nhlokomhaka leyi nge, “Leswi Bibele Yi Swi Vulaka Hi Ku Vilela.”

Ku lwisana ni xivundza

Bibele yi ri: “Munghana wa ntiyiso u kombisa rirhandzu mikarhi hinkwayo, i makwenu wa ntiyiso loko u ri emaxangwini.”—Swivuriso 17:17.

• Bibele yi ni switsundzuxo leswi nga ku pfunaka u lwisana ni xivundza hi ku va ni vanghana lavanene. Hlaya nhlokomhaka leyi nge, “Lwisana Ni Xivundza Hi Ku Endla Xinghana—Ndlela Leyi Bibele Yi Nga Ku Pfunaka Hayona.”

Tikarhatele ku rhandza Xikwembu ni vanhu

Bibele yi ri: “U fanele u rhandza Yehovha Xikwembu xa wena hi mbilu ya wena hinkwayo [ni] hi vutomi bya wena hinkwabyo. . . . U fanele u rhandza warikwenu hi ndlela leyi u tirhandzaka ha yona.”a—Matewu 22:37-39.

• Xikhongelo xi nga endla leswaku hi ya hi rhandza Xikwembu. Leswaku u dyondza leswi engetelekeke, hlaya nhlokomhaka leyi nge, “Xana Xikwembu Xa Swi Twa Swikhongelo Swa Hina?”

• Loko hi kombisa van’wana rirhandzu, hi yingisa leswi Yesu a hi leriseke swona. Dyondza leswi engetelekeke eka nhlokomhaka leyi kumekaka hi Xinghezi leyi nge, “What Is the Golden Rule?”

Xana u nga dyondza leswi engetelekeke eBibeleni leswi nga ku pfunaka leswaku u tsaka emikarhini leyi yo tika? Leswaku u kota ku endla tano, ha ku rhamba leswaku u endla xikombelo xa dyondzo ya Bibele ya mahala leyi nga ni mupfuni.