Xana Mi Pfumela Leswaku Vukhongeri Bya N’wina Hi Byona Ntsena Bya Ntiyiso?

Vanhu lava rhandzaka vukhongeri va fanele va tiyiseka leswaku vukhongeri lebyi va byi hlawuleke bya amukeleka eka Xikwembu ni le ka Yesu. Loko swi nga ri tano, a swi nga ta pfuna nchumu ku va eka byona.

Yesu Kreste a a nga pfumelelani na yona mhaka ya leswaku ku ni vukhongeri byo tala ni tindlela to tala leswi yisaka eku ponisiweni. Kambe u te: “Nyangwa leyi yisaka evuton’wini yi khumile, ni gondzo ra kona ri larile, naswona a hi vangani lava ri kumaka.” (Matewu 7:14) Timbhoni ta Yehovha ti tshemba leswaku gondzo rero se ti ri kumile. Loko a swi nga ri tano, a ti ta lava vukhongeri byin’wana.