Xana Diyavulosi Hi Yena Muvangi Wa Ku Xaniseka Hinkwako?

Nhlamulo ya Bibele

Bibele yi vula leswaku Sathana Diyavulosi i xivumbiwa xa xiviri lexi tiyimiseleke ku endla ku rhandza ka xona hi ku tirhisa “mahlori ya mavunwa” ni “vuxisi,” ku fana ni murhangeri wa swigevenga. Entiyisweni, Bibele yi vula leswaku u “tihundzula ntsumi ya ku vonakala.” (2 Vatesalonika 2:9, 10; 2 Vakorinto 11:14) Leswaku Diyavulosi u kona hakunene swi vonaka hi vubihi lebyi a byi vangaka.

Hambiswiritano, Diyavulosi a hi yena la vangaka ku xaniseka hinkwako loku nga kona. Ha yini? Hikuva Xikwembu xi vumbe vanhu va ri ni vuswikoti byo kota ku tihlawulela ku endla leswinene kumbe leswo biha. (Yoxuwa 24:15) Loko hi endla swiboho leswi hoxeke, hi tshovela swo biha.—Vagalatiya 6:7, 8.