Xana Timbhoni Ta Yehovha Ta Byi Amukela Vutshunguri?

Ina, Timbhoni ta Yehovha ta yi amukela mirhi ni vutshunguri. Ha ringeta ku khathalela mimiri ya hina ni ku va ni rihanyo lerinene kambe minkarhi yin’wana hi pfa hi “lava dokodela.” (Luka 5:31, Easy-to-Read Version) Entiyisweni, Timbhoni tin’wana ta Yehovha i madokodela, ku fana na Luka, Mukreste wa lembe-xidzana ro sungula.—Vakolosa 4:14.

Hambiswiritano, vutshunguri byin’wana byi lwisana ni milawu ya Bibele naswona a hi byi amukeli. Hi xikombiso, a hi pfumeli ku pomperiwa ngati hikuva Bibele a yi pfumelelani na swona. (Mintirho 15:20) Hilaha ku fanaka, Bibele yi alela vutshunguri kumbe swiendlo swin’wana swa vungoma.—Vagalatiya 5:19-21.

Nilokoswiritano, vutshunguri byo tala a byi lwisani ni milawu ya Bibele. Hikwalaho, munhu a nga tihlawulela. Mbhoni yin’wana yi nga ha hlawula ku tshunguriwa hi murhi kumbe vutshunguri byo karhi kambe yin’wana yi nga byi amukeli.—Vagalatiya 6:5.