Xana Timbhoni Ta Yehovha Ta Wu Endla Ntirho Wa Vurhumiwa?

Ina. Kun’wana ni kun’wana laha hina Timbhoni ta Yehovha hi kumekaka kona, hi ringeta ku kombisa moya wa vurhumiwa hi ku tshamela ku burisana ni vanhu hi ripfumelo ra hina.—Matewu 28:19, 20.

Ku tlula kwalaho, Timbhoni tin’wana ti endzela emigangeni yin’wana kumbe ti rhurhela kona, laha ku nga ni vanhu lava nga si ma twaka mahungu lamanene lama humaka eBibeleni. Tin’wana ti rhurhela ematikweni mambe leswaku ti ndlandlamuxa ntirho wa tona wo chumayela. Ti tsaka swinene hileswi ti hoxaka xandla eku hetisekeni ka vuprofeta lebyi vuriweke hi Yesu, lebyi nge: “Mi ta va timbhoni ta mina . . . ku ya fika endhawini ya le kule swinene ya misava.”—Mintirho 1:8.

Hi 1943, hi simeke xikolo xo letela van’wana va varhumiwa va hina. Ku sukela nkarhi wolowo, Timbhoni leti tlulaka 8 000 ti ye eXikolweni xa Bibele xa Giliyadi xa Watchtower.