“Ndzi Ku Endzerile Hikwalaho . . . ”

Loko vini va muti va pfula rivanti kutani va hi vona hi yime enyangweni, va nga ha tivutisa leswaku hi vamani nileswaku hi lava yini. I yini leswi hi nga swi vulaka eka xingheniso xa hina leswaku hi va endla va ntshunxeka? Endzhaku ka loko vahuweleri van’wana va pfuxelane ni n’wini wa muti va n’wi byela xivangelo xo n’wi endzela. Hi xikombiso, va nga ha ku: “Hi ku endzerile hikwalaho ka leswi vaakelani vo tala va vilerisiwaka hi vugevenga. Xana u anakanya . . . ” kumbe “Ndzi ku endzerile hikwalaho ka leswi ndzi fambisaka tidyondzo ta Bibele mahala.” Loko hi byela n’wini wa muti xivangelo xo va hi ri kwalaho, a nga ha lava ku twa leswi hi lavaka ku swi vula.