‘A Hi Tshiki’

4:16-18

Anakanya hi mindyangu yimbirhi leyi tshamaka swin’we eka muako wa khale lowu onhakeke. Ndyangu lowun’wana a wu tsakanga. Kambe lexi hlamarisaka lowun’wana wu tsakile. Hikwalaho ka yini? Ndyangu lowu wa vumbirhi wu ta rhurhela ekaya lerintshwa ro saseka ku nga ri khale.

Hambileswi “ntumbuluko hinkwawo wu hambeta[ka] wu konya ni ku vaviseka swin’we ku ta fika sweswi,” malandza ya Xikwembu ma ni ntshembo lowu ma tiyisaka. (Rhm 8:22) Ha swi tiva leswaku maxangu hinkwawo lawa hi langutanaka na wona sweswi, mo va ya ‘nkarhinyana naswona ma vevuka’ loko ma pimanisiwa ni vutomi lebyi nga heriki emisaveni leyintshwa ya Xikwembu. Loko hi dzikisa mianakanyo ya hina eka mikateko leyi hi nga ta yi kuma ehansi ka Mfumo wa Xikwembu, swi ta endla leswaku hi tshama hi tsakile naswona hi nga tshiki.