DYONDZO 1

Xingheniso Lexi Kokaka Rinoko

Mintirho 17:22

HI KU KOMISA: Xingheniso xa wena xi fanele xi koka rinoko, xi veka mhaka leyi u lavaka ku vulavula ha yona erivaleni nileswaku hikwalaho ka yini vayingiseri va wena va fanele va twa mhaka yoleyo.

NDLELA LEYI U NGA SWI ENDLAKA HA YONA:

Koka rinoko. Vutisa xivutiso, vula mhaka yo karhi, ntokoto wa leswi endlekeke kumbe timhaka leti u titweke eka mahungu leti nga kokaka rinoko ra vayingiseri va wena.

Anakanyisisa hi swilo leswi nga khumbaka timbilu ta vayingiseri va wena kutani u endla xingheniso ha swona.
Veka mhaka erivaleni. Tirhisa xingheniso lexi nga ta endla vayingiseri va wena va kota ku twisisa mhaka leyi u lavaka ku bula na vona ha yona ni xikongomelo xa yona.
Kombisa leswaku hikwalaho ka yini mhaka yoleyo yi ri ya nkoka. Tirhisa xingheniso lexi vayingiseri va wena va nga ta xi twisisa hi ku olova. Va fanele va xiya ndlela leyi mhaka yoleyo yi nga va pfunaka ha yona.

Loko u ri karhi u lunghiselela rungula ra wena, tivutise, ‘Hi swihi swiyimo leswi vamakwerhu evandlheni va langutanaka na swona?’ Kutani tirhisa xingheniso lexi fambisanaka ni swiyimo swa vona.