“Misava Hinkwayo Yi Hambeta Yi Vulavula Ririmi Rin’we”

11:1-4, 6-9

Yehovha u hangalase vanhu lava a va nga n’wi yingisi eBabele hi ku pfilunganya ririmi ra vona. Namuntlha u hlengeleta ntshungu lowukulu lowu humaka eka matiko hinkwawo ni tindzimi hinkwato leswaku wu hundzulukela eka “ririmi leri tengeke” leswaku ‘wu vitana vito ra Yehovha, wu n’wi tirhela hi mbilu yin’we.’ (Sf 3:9; Nhl 7:9) “Ririmi leri tengeke” i tidyondzo ta ntiyiso mayelana na Yehovha ni swikongomelo swakwe leswi kumekaka eMatsalweni.

Ku dyondza ririmi a swo vula ntsena ku hlokohata marito. Swi vula ku dyondza ndlela leyintshwa yo ehleketa. Hilaha ku fanaka, loko hi ri karhi hi dyondza ririmi leri tengeke, hi va hi ri karhi hi hundzula mianakanyo ya hina. (Rhm 12:2) Leswi i swilo leswi hi faneleke hi swi endla nkarhi na nkarhi naswona swi endla leswaku vanhu va Yehovha va va ni vun’we.—1Ko 1:10.