BOKISI RO DYONDZISA 20A

Ku Aviwa Ka Tiko

Vuxokoxoko bya ku ringana ka mindzilakano a byi tiyisekisa mahlonga leswaku hakunene tiko ra vona leri va ri rhandzaka a ri ta pfuxetiwa. Namuntlha hi dyondza yini eka xivono lexi? Xiya swiyenge swimbirhi swa xivono lexi:

Mepe lowu kombisaka mindzilakano ya tiko leri averiweke lava humaka evuhlongeni hilaha yi tsariweke ha kona hi Ezekiyele. Tinyimba hinkwato ti kuma ndzhaka yo ringana ku sukela en’walulwini ku ya edzongeni, ku sungula hi ya Dani, Axere, Neftali, Manase, Efrayimi, Rhuveni, Yuda, Munyikelo, Benjamini, Simiyoni, Isakara, Zebuloni na Gadi.

Ndhawu leyi sirhelelekeke ni ntirho wa nkoka

Munhu un’wana ni un’wana loyi a vuyeke hi le vuhlongeni a a ta va ni ndzhaka eTikweni leri Tshembisiweke leri pfuxetiweke. Hilaha ku fanaka namuntlha, malandza ya Yehovha hinkwawo i ya nkoka eparadeyisini yo fanekisela. Hambiloko hi nga ri na vutihlamuleri byo karhi enhlanganweni wa Yehovha, hi va nkoka naswona hi ni ntirho wa nkoka etikweni leri katekisiweke hi Xikwembu. Eka Yehovha malandza yakwe hinkwawo i ya nkoka.

Ndzhaka leyi ringanaka

Eka xivono xa Ezekiyele, eTikweni leri Tshembisiweke leri pfuxetiweke, endhawini yin’wana ni yin’wana vaaki a va kuma swilo swo ringana leswi tiko ri swi humesaka. Hilaha ku fana ni namuntlha Yehovha u nyike malandza ya yena hinkwawo mikateko leyi fanaka eparadeyisini yo fanekisela.

Tlhelela eka ndzima 20, tindzimana 5-11