Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • ijwbq xihloko 157
  • Xana Bibele Yi Ri Yini Hi Timhangu Ta Ntumbuluko?

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Xana Bibele Yi Ri Yini Hi Timhangu Ta Ntumbuluko?
  • Tinhlamulo Ta Swivutiso Swa Bibele
  • Swihloko
  • Tinhlokomhaka Tin'wana Leti Yelana Na Yona
  • Bibele ya hlamula
  • Hi nga tiyiseka njhani leswaku timhangu ta ntumbuluko a hi nxupulo lowu humaka eka Xikwembu?
  • Xana timhangu ta ntumbuluko i xikombiso xa leswaku hi hanya emikarhini ya makumu?
  • Xikwembu xi va pfuna njhani lava weriweke hi timhangu ta ntumbuluko?
  • Xana Bibele yi nga hi pfuna leswaku hi tshama hi lunghekele timhangu ta ntumbuluko?
  • Timhangu Ta Ntumbuluko—Ha Yini Ti Tele Swonghasi?
    Xihondzo xo Rindza Xi Huwelela Mfumo Wa Yehovha—2011
  • Xana Timhangu Ta Ntumbuluko I Nxupulo Lowu Humaka Eka Xikwembu?
    Xihondzo xo Rindza Xi Huwelela Mfumo Wa Yehovha—2008
  • Xana Xikwembu Xi Tirhisa Timhangu Ta Ntumbuluko Ku Xupula Vanhu Namuntlha?
    Xalamuka!—2012
  • Makhombo Ya Ntumbuluko—Xana Ma Vangiwa Hi Xikwembu?
    Xihondzo xo Rindza Xi Huwelela Mfumo Wa Yehovha—1993
Vona Swo Tala
Tinhlamulo Ta Swivutiso Swa Bibele
ijwbq xihloko 157
Ndyangu wu ri karhi wu langute tiyindlu ta vaakelani va vona leti hlaseriweke hi mhangu ya ntumbuluko

Xana Bibele Yi Ri Yini Hi Timhangu Ta Ntumbuluko?

Bibele ya hlamula

Xikwembu a hi xona xi vangaka timhangu ta ntumbuluko namuntlha kambe xa khathala hi vanhu lava ti va weleke. Timhangu ta ntumbuluko hi tin’wana ta swilo leswi Mfumo wa Xikwembu wu nga ta swi herisa. Hi nkarhi lowu fanaka, Xikwembu xi chavelela hinkwavo lava weriweke hi timhangu teto.​—2 Vakorinto 1:3.

  • Hi nga tiyiseka njhani leswaku timhangu ta ntumbuluko a hi nxupulo lowu humaka eka Xikwembu?

  • Xana timhangu ta ntumbuluko i xikombiso xa leswaku hi hanya emikarhini ya makumu?

  • Xikwembu xi va pfuna njhani lava weriweke hi timhangu ta ntumbuluko?

  • Xana Bibele yi nga hi pfuna leswaku hi tshama hi lunghekele timhangu ta ntumbuluko?

  • Tindzimana ta Bibele leti nga chavelelaka lava weriweke hi timhangu ta ntumbuluko

Hi nga tiyiseka njhani leswaku timhangu ta ntumbuluko a hi nxupulo lowu humaka eka Xikwembu?

Timhangu ta ntumbuluko ta hambana ni ndlela leyi Xikwembu xi tirhisaka matimba ya ntumbuluko, hilaha swi tsariweke hakona eBibeleni.

  • Timhangu ta ntumbuluko ti wela un’wana na un’wana, ta dlaya ni ku onha swilo. Ku hambana ni sweswo, Swiendlo swa Xikwembu swa vuavanyisi leswi boxiweke eBibeleni a swi nga khumbi vanhu hinkwavo. Hi xikombiso, loko Xikwembu xi lovisa muti wa Sodoma na Gomora, xi ponise wanuna wo lulama Lota ni vana vakwe va vanhwanyana vambirhi. (Genesa 19:29, 30) Xikwembu xi hlaye mbilu ya un’wana na un’wana loyi a hanyeke hi nkarhi wolowo naswona xi lovise ntsena lava xi kumeke leswaku a va hombolokile.​—Genesa 18:23-​32; 1 Samuwele 16:7.

  • Hi ntolovelo timhangu ta ntumbuluko ti humelela hi nga ti langutelanga. Hi hala tlhelo, Xikwembu xi lemukise vanhu vo homboloka xi nga si tirhisa matimba ya ntumbuluko ku va lovisa. Vanhu lava yingiseke xilemukiso xexo va kote ku va ni njombo yo baleka.​—Genesa 7:​1-5; Matewu 24:38, 39.

  • Hi tindlela to karhi vanhu va ve ni xiave eka timhangu tin’wana ta ntumbuluko. Hi ndlela yihi? Hi ku thyakisa mbangu ni ku aka etindhawini leti ku talaka ku va ni ku tsekatseka ka misava, tindhambhi ni maxelo yo biha swinene. (Nhlavutelo 11:18) Xikwembu a xi fanelanga xi soriwa hikwalaho ka swiboho leswi vanhu va swi endlaka.​—Swivuriso 19:3.

Xana timhangu ta ntumbuluko i xikombiso xa leswaku hi hanya emikarhini ya makumu?

Ina, vuprofeta bya Bibele byi vula leswaku a ku ta va ni timhangu “emasikwini yo hetelela.” (Matewu 24:3; 2 Timotiya 3:1) Hi xikombiso, loko a vulavula hi le mikarhini ya hina Yesu u te: “Ku ta va ni ku kayivela ka swakudya ni ku tsekatseka ka misava etindhawini to hambanahambana.” (Matewu 24:7) Ku nga ri khale, Xikwembu xi ta herisa leswi hi vangelaka switlhavi, ku xaniseka, ku katsa ni timhangu ta ntumbuluko.​—Nhlavutelo 21:3, 4

Xikwembu xi va pfuna njhani lava weriweke hi timhangu ta ntumbuluko?

  • Xikwembu xi chavelela lava weriweke hi timhangu ta ntumbuluko, hi ku tirhisa Rito ra xona ku nga Bibele. Bibele yi hi tiyisekisa leswaku Xikwembu xa khathala hi hina naswona xi twa ku vava loko hi xaniseka. (Esaya 63:9; 1 Petro 5:6, 7) Yi tlhela yi paluxa xitshembiso xa Xikwembu xa leswaku a ku nge he vi na timhangu ta ntumbuluko.​—Vona “tindzimana ta Bibele leti nga chavelelaka lava weriweke hi timhangu ta ntumbuluko.”

  • Xikwembu xi pfuna lava weriweke hi timhangu hi ku tirhisa vagandzeri va xona. Xikwembu xi tirhisa vagandzeri va xona va laha misaveni leswaku va tekelela leswi Yesu a swi endleke. A swi profetiwile leswaku Yesu a ta chavelela “lava vavisekeke mbilu” ni “lava rilaka.” (Esaya 61:1, 2) Vagandzeri va Xikwembu va tikarhatela ku endla leswi fanaka.​—Yohane 13:15.

    Xikwembu xi tlhela xi tirhisa vagandzeri va xona leswaku va pfuna lava weriweke hi timhangu ta ntumbuluko hi leswi va swi lavaka.​—Mitirho 11:28-30; Vagalatiya 6:10.

Timbhoni Ta Yehovha ti ri karhi ti pfuxeta yindlu ePuerto Rico

Timbhoni Ta Yehovha ti ri karhi ti pfuna lava weriweke hi xidzedze ePuerto Rico

Xana Bibele yi nga hi pfuna leswaku hi tshama hi lunghekele timhangu ta ntumbuluko?

Ina, hambileswi Bibele ku nga riki buku yo hi lunghiselela timhangu kambe yi ni misinya ya milawu leyi nga hi pfunaka. Hi xikombiso:

  • Lulamela timhangu leti nga ha endlekaka. Bibele yi ri: “Lowo tlhariha u vona khombo kutani a tumbela.” (Swivuriso 22:3) Hi ta va hi tlharihile loko hi tilulamisela swiyimo swa xihatla swi nga si endleka. Ku tilulamisela koloko ku katsa ku va ni switirhisiwa swa xilamulela mhangu leswi hleriweke kahle naswona ku praktisa tanihi ndyangu laha mi nga ta hlangana kona loko ko tshuka ku va ni swiyimo sweswo swi ta mi pfuna.

  • Teka vutomi byi ri bya nkoka ku tlula swilo leswi u nga na swona. Bibele yi ri: “A hi tanga na nchumu emisaveni naswona a hi nge fambi na nchumu.” (1 Timotiya 6:​7, 8) Leswaku hi kota ku pona mhangu, hi fanele hi tiyimisela ku siya makaya ya hina ni swilo leswi hi nga na swona. Hi ta va hi endla kahle loko hi tsundzuka leswaku vutomi bya hina i bya nkoka ku tlula swilo leswi hi nga na swona.—Matewu 6:​25.

Tindzimana ta Bibele leti nga chavelelaka lava weriweke hi timhangu ta ntumbuluko

Genesa 18:25: ‘Xikwembu a xi nge pfuki xi lovise wo lulama ni lowo homboloka . . . Xana Muavanyisi wa misava hinkwayo a nge endli leswi lulameke?’

Leswi ri vulaka swona: Xikwembu xi endla leswinene nkarhi hinkwawo naswona a hi fanelanga hi xi sola loko vanhu lavanene va fa hikwalaho ka timhangu ta ntumbuluko.

Pisalema 46:1, 2: “Xikwembu i vutumbelo ni matimba ya hina, mpfuno lowu kumekaka hi ku hatlisa hi nkarhi wa maxangu. Hi yona mhaka leyi hi nga ta ka hi nga chavi hambiloko misava yi cinca.”

Leswi ri vulaka swona: Swi nga ri na mhaka leswaku hi humelela hi yini Xikwembu hi xona xi hi Nyikaka matimba ya ku tiyisela.

Esaya 63:9: “Nkarhi hinkwawo lowu a va twa ku vava, na yena a a twa ku vava.”

Leswi ri vulaka swona: Xikwembu xi ni ntwelavusiwana naswona xi twa ku vava loko hi xaniseka.

Yohane 5:28, 29: “Nkarhi wa ta lowu hinkwavo lava nga emasirheni va nga ta twa rito ra [Yesu] kutani va huma.”

Leswi ri vulaka swona: Hi nga va ni ntshembo wo tlhela hi vona varhandziwa va hina lava feke hikuva Xikwembu xi ta tirhisa Yesu leswaku a va pfuxa.

1 Petro 5:6, 7: “Hikwalaho, tivekeni ehansi ka voko ra matimba ra Xikwembu . . . mi ri karhi mi lahlela ku vilela ka n’wina hinkwako eka xona, hikuva xa khathala hi n’wina.”

Leswi ri vulaka swona: Xikwembu xa khathala swinene hi hina naswona xi lava hi khongela eka xona loko hi karhatekile.

Nhlavutelo 21:4: “[Xikwembu] xi ta sula mihloti hinkwayo ematihlweni ya vona, rifu a ri nge he vi kona, hambi ku ri nkosi, ku rila ni switlhavi a swi nge he vi kona. Swilo swo sungula swi hundzile.”

Leswi ri vulaka swona: Xikwembu xi ta herisa swilo hinkwaswo leswi vangaka ku xaniseka ku katsa ni timhangu ta ntumbuluko.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela